Orella pendella

A situación actual do galego

Materiais relacionados coa situación do noso idioma. Trípticos elaborado polo EDLG da EOI de Pontevedra.

É bo que os nenos aprendan ben o galego (PDF 168 Kb.). Dirixido especialmente ós pais e nais e ós educadores/as

Home que estás detrás da porta cos pés na lama,
vaite de aquí, que está o pai do neno na cama.

Xan Perillán,
fixo unha casa
con merda de can.
“Saleu” para fóra,
mirou para ela,
“¡válgame Dios
que non ten cheminea!”.

Xan Carallán,
amigo das nenas.
Tanto lles “quer”
que mexa por elas.

Un can cun quinqué no cu.

O corazón dunha pulga
e as orellas dunha lebre
heillas de dar ó meu home,
que lle sabe moito o prebe.

Pequeniño,
“Mai-grandiño”,
Pai de todos,
Furabolos
e “Mata-pollos”.

Dínculin, dínculin
dínculin, dan.
¿Quen morreu?
O tío Xan
coas ciroliñas na man
Dínculin, dínculin,
dínculin, dan.

Alto cabalo
que vas para Leiro,
que levas a filla
de Pepe o leiteiro.

Febreiriño corzo,
cos seus vinte e oito,
se dura máis catro,
non queda can nin gato,
nin rato dentro do burato.