Animais

Rato, ratiño,
fai esforzos
e rompe o saquiño.

Lucía e Carla, de Vigo

Vacalouriña, voa, voa,
heiche dar pan e cebola.
A cebola está no lar
e o panciño no altar.
Vacalouriña, ¡pom!

Agustín Bernárdez: “A nosa memoria- Marín”

Escóitao

Catro aves escollidas
son as que pasan o mar:
o cuco e mais a andoriña,
a rula e o paspallás.

M. Barrio – X. Lorenzo: “Cantigueiro...”

O can, o can,
o demo do can,
roeulle as cirolas
ó meu cirolán;
e se llas roeu,
deixarllas roer
que outras noviñas
lle han de facer.

Escóitao

Mi-ama, mi-ama, mi-ama.

M. Barrio - Noriega Varela: “Como falan...”

A Vaca e a besta

A vaca:

Chover, chover
ata o corno amolecer.

A besta:

Xear, xear
ata o beizo regañar.

Explicación:
Cando os animais falaron expresaron os seus gustos: as vacas querían que chovese porque así había mellor pasto, pola contra as bestas, como son moi finas, querían que lles desen de comer na corte e por iso pedían que xease para non saír a pacer.

Ángela, de Casanova - Riotorto

O galo

- Caracú,
ponte na póla.
- Quiquiriquí,
xa estou aquí.

Blanco, Domingo: “A poesía popular…”

Escóitao

¡Belee...em! ¡Belee...em!

Xear, xear,
ata o meu coiro regañar.

M. Barrio - Noriega Varela: “Como falan...”

Pedro milmañas,
¿ris ou regañas?.