Orelliña, vai á leña (varias versións)

Orelliña verde, vai a leña.
Sei non vés de hora
durmirás fóra
e mirarás por un buratiño
a ver se che dan un bocadiño.

Orelliña, vaite á leña.
Que chova, que neve,
non veñas sen ela.

Explicación:
A persoa maior colle cos dedos a orelliña do/a neno/a e abanéalla mentres recita.

M. Barrio - V. Risco: “Etnografía...”

Orelliña, vai á leña.
Se non vés logo, durmirás fóra
cos bacoreliños da túa dona.

M. Barrio - Bouza Brey: “Xogos iniciáticos...”