Tempo meteorolóxico

Rubias á Franqueira,
vellas “pra” a lareira.
Rubias ó mar,
vellas a traballar

Explicación:
Cando no solpor as nubes rubias están cara ó monte da Franqueira quere dicir que vai chover ó día seguinte, por iso o das "vellas pra a lareira"; e cando están cara ó mar é porque vai estar bo día.

Paula, do Condado

Vente, ventiño,
vento mareiro,
que se non vés
non come o larpeiro.

Vente, ventiño,
vento mareiro,
que se non vés
non vén o barqueiro.

Rico Verea, Manuel: “Tantarantán...”

Chove, chove
na casa do pobre;
pinga, repinga
na casa de Dominga
e orballa, orballa
na casa da Rosaria.

Arco da vella,
vaite de aí
que andan os porcos
a fozar en ti.

A nosa memoria- Marín

Marcha, nebraceira,
do “chao” da ribeira,
vai comer as lavaduras
que deixaches na maseira.

M. Barrio - V. Risco: “Etnografía...”