Trabalinguas

A pita pasa,
a pipa pinga.
Cando a pita pasa,
a pipa pinga.

Debaixo dunha pipa tinta
hai unha pita pinta;
cando a pipa tinta pinga,
a pita pinta pía.

Un can cun quinqué no cu.

Pasei polo río,
polo río pasei.
Pillei cordóns
cordóns pillei.

Ramón Fontenla e Virtudes Caamaño, de Valiñas – Barro

Pola presa do muíño fun.
Collín cordóns.
Cordóns collín.

Victoria, de Sebil – Cuntis

Por detrás daquel toxo
vai un pito coxo.
Corre, pito coxo,
pito coxo, corre.

Victoria, de Sebil – Cuntis

Variante:

Por debaixo da mesa
vai un pito coxo.
Corre, pito, corre,
corre, pito coxo.
Corre, pito, corre,
corre pito coxo.

Anabel, de Soutomaior

Un lobo rubio roe un loro duro.
Se un lobo rubio o roe, un loro duro o remoe.

Camilo Neira, de San Miguel de Sarandón - Vedra

Comín ril, ril
da “melra” gorda asada.

Josefa Pérez: “A nosa memoria- Marín”

Do queixo non che me queixo,
que o queixo ben che me sabe;
quéixome de quen o vende,
que non mo deixa de balde.

Blanco, Domingo: “A poesía popular…”

Escóitao

Unha pega rebordá
puxo un ovo na quintá,
puxo un e rebordou,
puxo dous e rebordou,
puxo tres e rebordou... (ata quedar sen folgos).